Un nigaahon ki khamoshi me…

baki hai ab bhi kuchh dhundhli si yaadein...
ab bhi aa jaati hai khwabon me,
wo suni mulakatein..
ab bhi hai in aankhon me
wo gumsum si aankhein...

wo aankhein
un aankhon ka sunapan
un aankhon ka apnapan
jharnon si nischhal,wo darpan si aankhein...
kabhi liye ho jaise ehsaas..
khaalipan ka..
to kabhi gili si aankhein..

wo aankhein
jaisi chahati ho kuchh kehna
mano chhupe ho unme kai raaj
par mil naa rahe ho alfaaz..ya fir..
honthon se nikal na rahi ho aawaz

wo aankhein
har najar me jaise puchh rahi ho saikron sawaal
puchh rahi ho teri chaahatein
puchh rahi ho teri manjil
jaise puchh rahi ho tumse tere dil ka haal
kuchh isi tarah har pal apne anokhein khyaal
byaan karti si aankhein.

wo aankhein....aur...
un aankhon ka yun apalak dekhna
jaise bandhi ho pair janjiron me
kaid ho wo salaakhon me...aur..
talaash rahi ho koi chehra
kho gaya ho jo laakhon me
kuchh is tarah talaashti
is tarah kuchh dhundhti si aankhein

wo aankhein
jaise ,..use ho kisi ka intezaar
har aahat par ho jati ho bekaraar
jaise kisi apne ki yaad me
yun dekh rahi ho ,naa jane kab se, fariyaad me
har pal tarapti
har pal sisakti si aankhein

wo aankhein
kabhi hasti-muskurati, to kabhi ..
roti si aankhein
kabhi sagar si gahri, to kabhi..
pyaasi moti si aankhein
kabhi sharmaati ,kabhi ghabraati
kabhi sambhalti ,to kabhi larkharati
wo pyaari si aankhein

wo aankhein
kabhi doobi ho jaise
chhalakte aansuon ki behoshi me...to kabhi..
mil raha ho maano sukun use..
yun khud ki madhoshi me..
naa jane kya kashish thi..
un shaant nighaaon ki sarfaroshi me,
par kuchh to khaas tha
kuchh to thi baat... ....un nighaaon ki KHAMOSHI ME......