bindaas..

kuchh is tarah hum
apni palkopn par
sapney saja lete hain

viraanon me bhi chhod do
to junglee janwaro ke bich bhi
hum mehfil jamaa lete hain

apni adaa hi kuchh aisi hai
ki jindagi jalti hai mujhse
wo kya hai na,hum
aksar use chhod
maut ko aajmaa lete hain

meri jindagi ki kimat
behad chhoti hai
kyunki insaan ke hatheliyon ki size
bahut badi nahi hoti hai

aur hatheliyon par
ise rakhkar ,hum
aksar bhul jate hain
ab tak bachta raha
kyunki
ik band hota hai to
kai darwaaje khul jate hain

to bas yun hi
aawara deewano ki tarah
ye jindagi kat jayegi
yakeen hai
balaayein aayegi ..aur
khud b khud hat jayegi

mujhe pagal na samjhein
mujhe samay ka gyaan hai
chand lamhon ki hai jindagi
aur dher saare armaan hai

so har pal main apni
har aarjoo puri karta hoon
jita hoon ye lamha ..ye soch
ki bas agle pal hi marta hoon

sach ..jindagi ki har tension
chhoo ho jati hai
ashkon ka astitav
mit jata hai
dukhon ki kaya
bas mari hui rooh ho jati hai


yaaron ..isi befikri me tum bhi jiyo
dil ki suno
dil ki hi karo
abey marna to hain hi sab ko ik din ...marne se pehle...kai baar mat maro