Manjil ..

Ghup andhere me gum hum apni disha dhundh lenge
Apne wajood ki mahima ,Apni garima dhundh lenge
Jo rope the hamnein paudhe ,Ab tak nahi hain murjhaaye
Hum berang nahi
Bas ab tak apne rang me nahi aaye
Bahut ho chuki marne ki baatein
Ab jivan ka sront
Apni jijivisha dhundh lenge

Mere jajbo ,mere hauslo se mujhe dhokha na mila\
Bas samay par kismet ka saath aur
Mehnat ka mauka na mila

Kya hua gar kuchh chhan bit gaye
Kuchh mauke chhut gaye
Naye avsar fir se aayenge
Hain tayaar,is baar nahi gavaayenge

Jo na bhi aaye to gam nahi
Hai yakeen
Apne mauke hum khud banayenge
Raah ki har badha se takrayenge
Par sajaye hain jo sapney
Wo pure kar k dikhayenge
Hamare sapney ret par bane chitr
Pani par khichi lakeer nahi
Aur apni manjil na pa sakein
Aisi bhi kharab hamari takdeer nahi

Jo takdeer ne bhi badla rukh
To use mor denge
Hausle buland hain apne
Bhagya k har bere ko tor denge

Kasam hai hamein ishwar ki
Apna charitr itna uchha banayenge
Ki raaste apne aap bante jayenge
Hum nahi jayenge
Manjil khud
Hamare kadam chumne aayenge