chali ja rahi hai ....!!!

fir kuchh jajbaat uth rahe hain mann me
fir teri yaad aa rahi hai,

shab ke saaye me
fir dikh raha hai ek chehra
chaand ki roshni me
fir tu muskura rahi hai ;

fir jaise tanhaa baitha hoon
un pattharon ke beech me
fir meri god me tu
sar jhuka rahi hai


fir un bandhi julfon ko
khol dia hai maine
fir tu safed phholon se
apne baalon ko saja rahi hai

fir chal uthi hain wo
thandi sheetal hawayein
fir tu meri baahon me
simat ja rahi hai


fir badh gayi hain
mere dil ki dhadkanein
fir jo is tarah tu
mere kareeb aa rahi hai

fir kho gaya hoon ..main
tere aakhon ki putliyon me
fir teri saansein
meri saanso se takra rahi hai

fir chhoona chahte hain
un surkh labon ko ye lab
fir mujhe, tu apni baaton se
behla rahi hai

fir gujar chuki hai aadhi raat
fir tere wajood par
madhoshi chha rahi hai

fir na dikh payein hain tujhe
kisi chehre ki udaasi
fir tu kisiko tanhaa chhor
chali ja rahi hai..
chali ja rahi hai ..