DAASTAAN………..

jivan ki wo ankahee daastan..
kise sunaoon???
jo samjhe mere mann ko..
jinhe ho pyaare mere bhi armaan..

dard se to kuchh aisa rishta hai apna ..
ban kar aata hai mehmnan...
par ban jata hai mezbaan


tabhi to tukro me mili  khushiyaan
sanjoye rakhta hoon.
kya pata?..kal ho na ho..
ye bhi meharbaan

aashcharya nahi hota kisi chiz par..
koi vishya nahi paida karti hai kautuhal...
 na hi koi  sthiti karti hai mujhe pareshaan
bhai ..ab aadat ho vhuki hai..
sthitityaan  paristhitityan
varshon se karti aayi hain .
mujhe hairaan..

kho chuka hai mera yakeen har koi..
uth chuka hai ..
har ksi se vishwas
kyunki
jinse lagata hoon aash..
chahta hoon koi saugaat
wo pehle nikalte hain...jo
karte hain vishwasghat

chahat ka jikr ho to..
chahata, bas is baat ki hai...ki
kaash meri bhi koi chahat hoti..
kynki
ab chahne se bhi darr lagta hai...
na jane kyun,jise chahta hoon..
wo hi mujhse lar parta hai ..

isliye
mujhe tum par yakeen nahi..
aur hoga bhi nahi..
kyunki nahi chahta main..ki
mera yakeen tute.

tum meri khushiyaan nahi..
mera dard ho..
kyunki nahi chahta ..ki
tera saath  chhute..

tum meri manjil nahi...
meri raah ho ..kyunki
nahi chahta main
tumhe khona...

tum meri chah nahi..
meri aah ho...kyunki
nahi chahta  main..
tumse juda hona...